കറുപ്പ് - സൂര്യയുടെ ഗംഭീര തിരിച്ചുവരവ്

തമിഴിൽ സ്ഥിരമായി കേൾക്കാറുള്ള ഒരു ചൊല്ലാണ് ˮതരമാന സംഭവംˮ, അത് അതുപോലെ ചെയ്തുവെച്ചിരിക്കുകയാണ് ˮകറുപ്പ്ˮ സിനിമയിൽ.

RJ ബാലാജിയുടെ സ്ട്രോങ്ങ് ജോണർ ആണ് ˮഫാറ്റസിˮ ˮകോമഡിˮ ജോണറുകൾ. ഇത്തരവണ ഫാന്റസിക്കൊപ്പം കുറച്ച് ആക്ഷനും കോർട്ട് റൂം ഡ്രാമയും ഡിവൈൻ ഫാന്റസിയും ഒക്കെ ചേർത്ത് ഒരു വൻ കിടു സംഭവം തന്നെ പുള്ളി ചെയ്തിട്ടുണ്ട്.

ആദ്യം സംവിധാനം ചെയ്ത മൂക്കുത്തി അമ്മനും ഇപ്പൊ കറുപ്പും ഒക്കെ ഒരേ തീമിൽ വരുന്ന സിനിമകൾ ആണെങ്കിലും രണ്ടിന്റെയും മേക്കിംഗ് രണ്ട് വ്യത്യസ്ത തലങ്ങളിൽ ആണ്.

ഒരു തമാശയ്ക്ക് പറഞ്ഞ കാര്യം എടുത്ത് മലയാളികളെ കളിയാക്കി എന്നും പറഞ്ഞ് ഗംഭീര ഡീഗ്രേഡിംഗ് പടത്തിന് നടക്കുന്നുണ്ട്. അതൊന്നും കാര്യമാക്കാതെ കാണേണ്ട സിനിമയാണ് കറുപ്പ്.

RJ ബാലാജിയുടെ അഭിനയവും വളരെ നന്നായിട്ടുണ്ട്. പിന്നെ മലയാളത്തിൽ നിന്ന് ഒരുപാട് അഭിനേതാക്കൾ ഉള്ളത് കൊണ്ട്, ഒരു മലയാളം പടം കാണുന്ന ഫീൽ ഇടക്കൊക്കെ കിട്ടി. പടം തുടങ്ങുന്നത് തന്നെ മലയാളത്തിലാണ്.

എടുത്ത് പറയേണ്ട ഒരു കാര്യം, സ്ഥിരം തമിഴ് സിനിമകളിൽ കാണുന്ന പോലെ ˮവക്രീകരിച്ച മലയാളംˮ ഇല്ലെന്നത് തന്നെയാണ്.

ഇന്ദ്രൻസിന്റെ അഭിനയം പിന്നെ എടുത്ത് പറയേണ്ടതില്ലല്ലോ. പുള്ളി ഏത് റോൾ ചെയ്താലും, അങ്ങേരുടെ ബെസ്റ്റ് അതിൽ ഉണ്ടാകും. ˮആശാൻˮ സിനിമ മാത്രമാണ് അങ്ങനെ അല്ലാത്തതായി തോന്നിയിട്ടുള്ളത്.

സ്വാസിക, ശിവദ, അനഘ രവി, ഉണ്ണിമായ പ്രസാദ് ഒക്കെയുണ്ട് മലയാളത്തിൽ നിന്ന്.

ഇനി എഴുതുന്ന കാര്യങ്ങൾ കുറച്ച് സ്പോയിലർ ആയേക്കാം. അതുകൊണ്ട്, സിനിമ കാണാത്തവർ ബാക്കി വായിക്കാതെ വിടുക.

ഫാന്റസി ജോണർ ആയത്കൊണ്ട് തന്നെ പടം ഒരു ˮLarger than Lifeˮ മൂഡിലാണ് പോകുന്നത്. എങ്കിലും ഒട്ടും അരോചകം ആകാത്ത വിധം കൃത്യമായി പിടിച്ച് നിർത്തിയിട്ടുണ്ട്.

ആദ്യ പകുതി കുറച്ച് പതിയെ പോകുന്ന മട്ടിലാണ്. പക്ഷേ, അതിനും കൂടി compromise ചെയ്തിട്ടുണ്ട് സെക്കൻഡ് ഹാഫ്.

റെഫറസുകൾ…

ഒരുപാട് സിനിമകളുടെ റെഫറൻസുകൾ ഉണ്ടെങ്കിലും എനിക്ക് ഏറ്റവും വർക്ക് ഔട്ട് ആയത് ലിയോ റഫറൻസും സിങ്കം റഫറൻസും LKG റഫറൻസും ഒക്കെയാണ്.

അജു വർഗീസിനെ ഒരു സീനിൽ കണ്ടപ്പോൾ കരുതി, പുള്ളി പടത്തിന്റെ ഏതെങ്കിലും ഘട്ടത്തിൽ വീണ്ടും എത്തുമെന്ന്.

എന്തായാലും പടം എനിക്ക് വർക്ക് ആയി. തിയറ്റർ വാച്ച് പടം തന്നെ. ഒരു 3.8/5 ആണ് എനിക്ക് തോന്നിയത്.

സുകന്യ കൃഷ്ണ