കേരളത്തിലെ ഒരു പ്രമുഖ സ്ഥാപനത്തിലെ ഐടി സുരക്ഷാ വീഴ്ച

കേരളത്തിലെ ഒരു പ്രമുഖ കമ്പനി, ലക്ഷക്കണക്കിന് ഉപയോക്താക്കൾ ഉള്ള ഒരു സർവീസ് നൽകുന്ന കമ്പനി...

അവരുടെ സിസ്റ്റം പെട്ടെന്ന് തകർത്ത് അകത്ത് കയറാൻ പറ്റുന്ന അവസ്ഥയിൽ ആണെങ്കിലോ?

അങ്ങനെ ഒന്ന് ശ്രദ്ധയിൽ പെട്ടു. അകത്ത് കയറി നോക്കി.

ഉപയോക്താവിൻ്റെ വിവരങ്ങൾ മുഴുവൻ, "കൊണ്ടുപോയ്ക്കോ" എന്ന രീതിയിൽ കിടക്കുന്നു.

ഒരാളുടെയല്ല... എല്ലാവരുടെയും.

3 ലക്ഷത്തോളം ആളുകളുടെയും സ്ഥാപനങ്ങളുടെയും പൂർണ്ണ വിവരങ്ങൾ... കെട്ടിട നമ്പർ അടക്കം.

ഇന്ന് അവരുടെ ഓഫീസിൽ പോയി ഈ വിവരം പറയാം എന്നാണ് ആലോചന.

ആ സ്ഥാപനത്തിന്റെ ആളുകൾക്ക് മനസ്സിലായി അവരെക്കുറിച്ചാണ് എഴുതിയത് എന്ന്.

അങ്ങോട്ട് പോയി പറയും മുന്നേ തന്നെ.

ഒരു നിവിൻ പോളി സിനിമയിൽ അടി കൊള്ളേണ്ടുന്ന ആളുകളുടെ ലക്ഷണം പറയുന്നത് ഓർത്തു പോയി.

ഇവനിട്ട് രണ്ടെണ്ണം കൊടുക്കണം എന്ന് നമുക്ക് മാത്രം തോന്നിയാൽ പോരാ, കാണുന്നവർക്ക് കൂടി തോന്നണം.

അതുംപോരാതെ അവനുകൂടി തോന്നണം, "എനിക്ക് രണ്ടെണ്ണത്തിന്റെ കുറവ് ഉണ്ടായിരുന്നല്ലോ?" എന്ന്.

ആ പറഞ്ഞപോലെ ആണ് ആ സ്ഥാപനത്തിന്റെ അവസ്ഥ. തലപ്പത്ത് ഇരിക്കുന്നവർക്ക്…

ഇപ്പോഴാണ് ശ്രദ്ധിച്ചത്.

സ്ഥാപനത്തിൽ നിന്നും എനിക്ക് ഇന്നൊരു ഇമെയിൽ സന്ദേശം വന്നിരുന്നു.

കുറെ വർഷങ്ങളായി കാര്യമായി ഉപയോഗിക്കാത്ത ഒരു ഇമെയിൽ ഐഡി ആയതുകൊണ്ട് കാണാൻ വൈകി.

ആ കമ്പനിയുടെ സെക്രട്ടറി എന്ന് പരിചയപ്പെടുത്തി ആണ് ഇമെയിൽ. എന്റെ എഴുത്തിന്റെ സ്ക്രീൻഷോട്ടും ഉൾപ്പെടുത്തിയിട്ടുണ്ട്. ഉള്ളടക്കം ഇതാണ്:

“ഈ കുറിപ്പിൽ പറഞ്ഞിരിക്കുന്നത് ഞങ്ങളുടെ കമ്പനിയായ {കമ്പനിയുടെ പേര്} അല്ല എന്ന് കൺഫേം ചെയ്യാമോ?”

മറുപടി കൊടുത്തു:

“ഹേയ്! ഒരിക്കലുമല്ല.”

ഓക്കേ…

ഇന്നലെ രാവിലെ 08:36നാണ് ഞാൻ ആ വിവരം ആദ്യമായി പങ്കുവെച്ചത്. ഏകദേശം 11 മണിയോടെ ആ സ്ഥാപനത്തിൽ ഉള്ളവർ തിരിച്ചറിഞ്ഞു, അത് അവരുടെ സ്ഥാപനത്തെ കുറിച്ചാണ് എന്ന്.

അവരുടെ ആളുകൾക്ക് ഞാൻ തന്നെ ഒരു കൺഫർമേഷൻ ഇന്നലെ വൈകുന്നേരം 5 മണിയോടെ നൽകി.

ഇപ്പൊ ഏകദേശം 35 മണിക്കൂർ ആയിട്ടുണ്ടാകും.

മറ്റൊരു സ്ഥാപനം ആയിരുന്നെങ്കിൽ ഈ സമയത്തിനുള്ളിൽ എന്തൊക്കെ സംഭവിച്ചിരിക്കും?

• അതിന്റെ ആളുകൾ എന്നെ contact ചെയ്യും.
• പ്രശ്നങ്ങൾ എന്തൊക്കെയെന്ന്…

മറ്റൊരു വിവരം കൂടി അറിയാൻ കഴിഞ്ഞു.

സ്ഥാപനത്തിൽ നിന്നും മുകളിലേക്ക് കൊടുത്ത റിപ്പോർട്ട്, "സുകന്യ പറയുന്ന അത്ര സീരിയസ്‌നെസ് വിഷയത്തിനില്ല" എന്നാണ് എന്ന് അറിയാൻ കഴിഞ്ഞു.

ഒരുപക്ഷേ, ഞാൻ ഇന്നലെ പറഞ്ഞതിലെ ഒരു അപാകത ആകാം അവർ അങ്ങനെ ചിന്തിക്കാൻ കാരണം.

മൂന്ന് ലക്ഷം ഉപയോക്താക്കൾ എന്നായിരുന്നു ഞാൻ പറഞ്ഞിരുന്നത്. ചിലപ്പോ അതാകാം ഞാൻ പറഞ്ഞ വിഷയം സീരിയസ് അല്ല എന്ന് തോന്നാൻ അവരുടെ കാരണം.

അതൊരു ഊഹ കണക്ക്…

ഇപ്പോൾ നിശ്ചിത സമയപരിധി കഴിഞ്ഞ സ്ഥിതിക്ക് വിവരങ്ങൾ പബ്ലിഷ് ചെയ്യാം എന്ന് കരുതുന്നു.

തമാശ ആയിട്ടാണെങ്കിലും "തേങ്ങ ഉടയ്ക്ക് സ്വാമീ" മെസ്സേജുകളും കമൻ്റുകളും ധാരാളമായി ലഭിക്കുന്നുണ്ട്.

അങ്ങനെ ചാടി കയറി തേങ്ങ ഉടയ്ക്കാത്തത് വിഷയം അത്ര തമാശ അല്ല എന്നത് കൊണ്ടാണ്.

കേരള ഹൈക്കോടതി വരെ ഉപയോഗിക്കുന്ന ഒരു സേവനം ആണ് തുലാസിൽ എന്നതാണ് ഭയപ്പെടുത്തുന്ന വസ്തുത.

ഇത്രയും വലിയ ഒരു സുരക്ഷാ വീഴ്ച പുറത്ത് വിട്ട്, അവരത് അറിഞ്ഞ…