ക്വീർ സമൂഹത്തിന്റെ സാമൂഹിക അംഗീകാരത്തിൽ മാധ്യമങ്ങളുടെ പങ്ക്

ക്വീർ എന്നത് ലിംഗവൈവിധ്യങ്ങളെയും ലൈംഗിക ന്യൂനപക്ഷങ്ങളെയും ഉൾക്കൊള്ളുന്ന ഒരു umbrella term ആണ്. 

(ഇതിൽ ലെസ്ബിയൻ, ഗേ, ബൈസെക്ഷ്വൽ, ട്രാൻസ്‌ജെന്റർ, ക്വീർ, ഇന്റർസെക്സ്, അസെക്ഷ്വൽ വ്യക്തികൾ (LGBTQIA) എന്നിവരെല്ലാം ഉൾപ്പെടുന്നു.)

ക്വീർ സമൂഹം അനേകം പ്രശ്‌നങ്ങൾ നേരിടുന്നുണ്ട്. അതിലൊന്ന് സാമൂഹിക അംഗീകാരത്തിന്റെ അഭാവമാണ്. ക്വീർ ആളുകൾ പലപ്പോഴും സമൂഹത്തിൽ നിന്നും കുടുംബത്തിൽ നിന്നും പുറത്താക്കപ്പെടുന്നു. അവർക്ക് വിദ്യാഭ്യാസം, തൊഴിൽ, ആരോഗ്യ സംരക്ഷണം തുടങ്ങി എല്ലാ മേഖലകളിലും വിവേചനം നേരിടുന്നു.

ക്വീർ സമൂഹത്തിന്റെ ഇന്നത്തെ പ്രശ്‌നങ്ങളിൽ വലിയ ഒരു ശതമാനം മാധ്യമങ്ങൾക്കും പങ്കുണ്ട്. ക്വീർ സമൂഹത്തെ പോസിറ്റീവായ രീതിയിൽ അവതരിപ്പിക്കാനും അവരുടെ അവകാശങ്ങൾക്കുവേണ്ടി പോരാടാനും മാധ്യമങ്ങൾക്ക് കഴിയും. എന്നാൽ പലപ്പോഴും മാധ്യമങ്ങൾ ക്വീർ സമൂഹത്തെ നെഗറ്റീവായ രീതിയിലാണ് അവതരിപ്പിക്കുന്നത്. അവരെ പരിഹസിക്കുകയും അപമാനിക്കുകയും ചെയ്യുന്നു. ഇത് ക്വീർ സമൂഹത്തിന്റെ പ്രശ്‌നങ്ങൾ കൂടുതൽ വഷളാക്കുന്നു.

ക്വീർ സമൂഹത്തിന്റെ അവകാശങ്ങൾക്കുവേണ്ടി പോരാടുന്ന മാധ്യമപ്രവർത്തകരും ഉണ്ട്. അവർ ക്വീർ സമൂഹത്തിന്റെ പ്രശ്‌നങ്ങൾ ചർച്ച ചെയ്യുകയും അവരുടെ അവകാശങ്ങൾക്കുവേണ്ടി ശബ്ദമുയർത്തുകയും ചെയ്യുന്നു. ഇത്തരം മാധ്യമപ്രവർത്തകർ ക്വീർ സമൂഹത്തിന്റെ ശക്തരായ വക്താക്കളാണ്.

ക്വീർ സമൂഹത്തിന്റെ പൊതു അംഗീകാരത്തിന് മാധ്യമങ്ങൾക്ക് നിർണായക പങ്ക് വഹിക്കാനുണ്ട്. 

മാധ്യമങ്ങൾ ക്വീർ സമൂഹത്തെ പോസിറ്റീവായ രീതിയിൽ അവതരിപ്പിക്കുകയും അവരുടെ അവകാശങ്ങൾക്കുവേണ്ടി പോരാടുകയും വേണം. ക്വീർ സമൂഹത്തിന്റെ പ്രശ്‌നങ്ങൾ പൊതുസമൂഹത്തിന്റെ ശ്രദ്ധയിൽ കൊണ്ടുവരാനും മാധ്യമങ്ങൾക്ക് കഴിയും.

പോസിറ്റീവ് ആയിരിക്കുകയും കൃത്യമായ വെളിച്ചത്തിൽ അവതരിപ്പിക്കുകയും ചെയ്‌താൽ, വലിയ മാറ്റങ്ങൾ തന്നെ കൊണ്ടുവരാൻ മാധ്യമങ്ങൾക്ക് സാധിക്കും…

ക്വീർ സമൂഹത്തിന്റെ സാമൂഹിക അംഗീകാരം പ്രോത്സാഹിപ്പിക്കുന്നതിന് മാധ്യമങ്ങൾക്ക് ചെയ്യാവുന്ന ചില നിർദ്ദിഷ്ട മാർഗങ്ങൾ ഇവയാണ്:

• സമൂഹത്തിൽ പോസിറ്റീവ് സ്വാധീനം ചെലുത്തുന്ന ക്വീർ ആളുകളെക്കുറിച്ചുള്ള റിപ്പോർട്ടുകൾ / സ്റ്റോറികൾ ചെയ്യുക. ഇതിൽ ക്വീർ സംരംഭകർ, കലാകാരന്മാർ, സാമൂഹിക പ്രവർത്തകർ, ശാസ്ത്രജ്ഞർ എന്നിവരെക്കുറിച്ചുള്ള കഥകൾ ഉൾപ്പെടുത്താം. ക്വീർ ആളുകളുടെ നേട്ടങ്ങളെ പ്രദർശിപ്പിക്കുന്നതിലൂടെ, മാധ്യമങ്ങൾക്ക് സ്റ്റീരിയോടൈപ്പുകളെ അകറ്റാനും ക്വീർ ആളുകൾ മറ്റാരെയും പോലെ വൈവിധ്യമാർന്നതും കഴിവുള്ളവരുമാണെന്ന് കാണിക്കാനും കഴിയും.
• ക്വീർ വിഷയങ്ങൾ നീതിപൂർവ്വമായും സമത്വപൂർണമായും റിപ്പോർട്ട് ചെയ്യുക. മുൻധാരണകളെയും പക്ഷപാതത്തെയും ഒഴിവാക്കുകയും എല്ലാ വശങ്ങളും അവതരിപ്പിക്കുകയും ചെയ്യുക.
• മാധ്യമങ്ങൾ അവർ ഉപയോഗിക്കുന്ന ഭാഷയിലും ശ്രദ്ധാലുക്കളാകണം, അപമാനകരമായ പദങ്ങളോ സ്റ്റീരിയോടൈപ്പുകളോ ഉപയോഗിക്കാതിരിക്കുക.
• ക്വീർ ശബ്ദങ്ങൾക്കായി ഒരു വേദി നൽകുക. ക്വീർ ആളുകളെ അവരുടെ അനുഭവങ്ങളെക്കുറിച്ച് അഭിമുഖം നടത്തുകയോ അവരുടെ എഴുത്തും കലയും പ്രദർശിപ്പിക്കുകയോ ചെയ്യുക. ഇത്തരം അവസരങ്ങൾ നൽകുന്നതിലൂടെ, മാധ്യമങ്ങൾക്ക് പൊതുസമൂഹത്ത്തിന്റെ തെറ്റിധാരണകൾ ഇല്ലാതാക്കാൻ കഴിയും.
• പൊതു അവബോധ പരിപാടികൾ (Public Awareness Programs) സംഘടിപ്പിക്കാൻ മാധ്യമങ്ങൾക്ക് നിഷ്പ്രയാസം സാധിക്കും. അത്തരം അവസരങ്ങൾ നഷ്ടപ്പെടുത്താതെ ഇരിക്കുവാൻ ശ്രദ്ധിക്കുക.
• ആരോഗ്യപരമായ വിജ്ഞാനപ്രദമായ ചർച്ചകളും ഡിബേറ്റുകളും സംഘടിപ്പിക്കാൻ ശ്രദ്ധിക്കുക.
• ക്വീർ ആളുകളെതിരായ വിവേചനവും അതിക്രമവും റിപ്പോർട്ട് ചെയ്യുന്നതിലൂടെ, മാധ്യമങ്ങൾക്ക് ഈ പ്രശ്‌നങ്ങളെക്കുറിച്ച് അവബോധം വർദ്ധിപ്പിക്കാനും ഭരണാധികാരികളെ നടപടിയെടുക്കാൻ സമ്മർദ്ദം ചെലുത്താനും കഴിയും.
• ജെന്റർ എന്നത് വ്യക്തിപരവും, ഏത് ജന്റർ ആണ് തന്റേത് എന്നത് സ്വയം പ്രഖ്യാപിക്കാനും എല്ലാ വ്യക്തികൾക്കും ഈ രാജ്യം നിയമം മൂലം അവകാശം നൽകുന്നുണ്ട് എന്നുപോലും പലർക്കും അറിയില്ല

ക്വീർ സമൂഹത്തിന്റെ സ്വീകാര്യതയ്ക്കായും അംഗീകാരത്തിനായും നമുക്കെല്ലാം കൈകോർത്തു നിൽക്കാം. (മാധ്യമങ്ങളോട് ക്വീർ സമൂഹത്തെ പോസിറ്റീവായ രീതിയിൽ അവതരിപ്പിക്കാനും അവരുടെ അവകാശങ്ങൾക്കുവേണ്ടി പോരാടാനും ആവശ്യപ്പെടാം.)